Ligwalagwala FM Current Affairs

Inhlangano yabo dokodela kuleli i South African Medical Association (SAMA) ivakalise kukhatsateka ngekutsi kungahle kucubuke tifo letibangwa ngemanti langcolile esifundzeni saseMphumalanga Kapa. Lokukhatsateka kwalenhlangano kulandzela letikhukhula letidale umonakalo lomkhulu tabuye tendlula nemiphefumulo yebantfu. Sicocisene nasihlalo weSAMA, Dr Mvuyisi Mzukwa

Duration:00:03:18

# Telive - Sikhungo lesitfutfukisa bantfu labangaboni ngemakhono e Pienaar sikhala ngekutsi siswela lusito lwekuchubeka nekusebenta kahle.

Sikhungo lesitfutfukisa bantfu labangaboni ngemakhono e-Pienaar kulesifundza iMpumalanga sivakalise kukhatsateka ngekuswelakala kwetinsita lokwenta kutsi singakhoni kuchuba kahle umsebenti waso. Sicocisana na Fani Msiza longumsunguli walesikhungo iMpumalanga Blind Skills Development.

Duration:00:05:29

# Telive - I Palesa Pads ikhicita ema-pads lokhona kuwawasha njengendlela yekwetama kusita emantfombatana nakaya emalangeni.

Sikhungo i-Palesa Pads sesivakashele tikolo letingetulu kwema-250 lapho sifundzisa bantfwana bemantfombatane ngekubaluleka kwekuhlanteka nabaya emalangeni. Lesikhungo sikhicita ema-pads lawashwako kuze kusitwe emantfombatana nakaya emalangeni. Sicocisana na Nokwazi Masondo longumsunguli we-Palesa Pads.

Duration:00:03:58

# Telive - Kulindzeleke kwetfulwe umtsefto lomusha wesehlukaniso kulelive.

Indvuna yetebulungiswa Mmamoloko Kubayi kulindzeleke etfule umtsetfo lomusha wesehlukaniso kulelive. Nga-2023 inkantolo yemtsetfo-sisekelo yayalela liphalamende kutsi kufanele liwuchibiyele lomtsetfo ngemuva kwekutfolakala kutsi ushayisana nemtsetfo-sisekelo. Kutfola kabanti ngaletingucuko sicocisene nesati setindzaba temtsetfo, Mpumelelo Zikalala

Duration:00:15:49

# Telive - Lucwaningo luveta kutsi bantfu labasha bayahluleka kubhadala tikweleti tabo.

Ngekusho kwembiko welucwaningo lolwentiwe yinkapani i-Eighty20, bantfu labasha bakuleli labangaphansi kweminyaka lengemashumi lamatsatfu nesihlanu bayehluleka kukhokhela tikweleti tabo. Loku kufaka ekhatsi kubhadala imali lebasuke bayiboleke emabhangi kanye nema credit card. Kubuka kutsi kubangwa yini loku nekutsi bangaphuma njani kulesimo, simeme umphatsui weligumbi lelifundzisa ngetimali ebhange i-FNB, Energy Zitha.

Duration:00:16:33

#Embiteni - Inkantolo yemtsetfo sisekelo igubha iminyaka lengema-30

Sati setindzaba temtsetfo, ummeli Bongani Matsane utsi mkhulu umsebenti lesewentiwe yinkantolo yemtsetfo sisekelo kusukela yasungulwa nga-1995. Lenkantolo igubha iminyaka lengema-30 isebenta.

Duration:00:08:07

# Telive - Umdlali we-spinning SamSam walapha eMpumalanga sewubuya eAustria kuyokhombi likhono lakhe.

Umshayeli wetimoti letenta umdlalo wesitungeletane (spinning) lodzabuka eMahushu ngaseHazyview kulesifundza seMpumalanga, Samkeliso Thubane, lowatiwa nga Sam-Sam, bekayomela lelive emchudzelwaneni bewuse-Austria. Sam-Sam bekayincenye yemchudzelwane wemave emhlaba lowatiwa nge Hangar - 7, lebewubanjelwe edolobheni iSalzberg khona e- Austria. Thubane utsi utive amkhulu kuhlangana nalabanye bashayeli bemdlalo wetimoti lebasetulu emhlabeni.

Duration:00:06:00

#Imphunga - i-National Heritage Council yemukela ticelo talabafuna kwesekelwa ngetimali.

6/20/2025

Umkhandlu wemagugu kulelive i-National Heritage Council uvule sikhwama sekwesekela ngetimali imiklamo leyeyamene nekutfutfukisa temagugu. Labo labafuna kufaka ticelo tekulekelelwa ngetimali baniketwe kudzimate kube ngumhlaka 30 kulenyanga lesetulu. Kepha lotasichazela kabanti ngumphatsi wetekusita ngetimali kulomkhandlu, Bongiwe Magasela.

Duration:00:04:48

#Imphunga - Emalunga eNEHAWU amikisene enkantolo lenkhulu eMbombela ngekungaboni ngeliso linye ngendlela lekulungiselelwe inkomfa yesifundza.

6/20/2025

Kunemlunga lakhala ngekutsi akakaphatseki kahle ngenkomfa yenyonyana iNEHAWU lekulindzeleke ibanjwe emalanga lamatsatfu kuleliviki lelitako. Lamalunga lagongonyekile sekavele aye enkantolo lapho akhala ngeluhla lwemabito ebantfu lekumele bayobamela kulenkomfa. Inkantolo lephakeme yalapha eMbombela isasigodlile sincumo. Sicocisene na Norman Mbokodo lokulaba lebakhalako kanye namabhalane weNEHAWU eMpumalanga, Welcome Mnisi.

Duration:00:12:43

#Embiteni - Litiko letemfundvo lisisekelo lifuna kwetfula luhlelotifundvo lolutawufundzisa bantfwana emakhono ekutiphilisa.

Indvuna yelitiko letemfundvo lesisekelo Siviwe Gwarube seyimemetele ngeluhlelotifundvo (curriculum) lelitawufaka ekhatsi sifundvo sekucala libhizinisi noma kutisebenta. Lesifundvo sigcugcutela kutsi labo labaphotfula matikuletjeni babe sebanemakhono ekutisebenta kunekufuna kucashwa. Kuyibuka kabanti lendzaba sicocisana nesati setindzaba temfundvo Dr Thuli Mngomezulu.

Duration:00:03:34

#Embiteni - Floyd Shivambu utsi akanandzaba noma angacoshwa kuMK Party.

Loyo bekangumabhalane weMK Party, Floyd Shivambu, sewumemetele kutsi utawucala tinhlelo tekucocisana nebantfu bakuleli ngenhloso yekutfola luvo lwabo mayelana nekusungula inhlangano yetepolitiki lensha. Kuyibuka ngeliso lemhlatiyi lendzaba sikhulumisana na-Njingalwati Ntsikelelo Breakfast .

Duration:00:05:37

#Imphunga - iSANEF ihllela kusungula sikhwama sekuhlenga tintsatseli.

Lisekela lasihlalo we South African National Editors Forum (SANEF) Tshamano Makhadi utsi basemkhankhasweni wekusungula sikhwama sekuhlenga tintsatseli. Utsi loku bakwentela kuhlenga tintsatseli njengoba kubonakala kwangatsi tilahlekelwa ngumsebenti kulandzela kuntjintja kwetindlela lekucoshwa ngato tindzaba kantsi tinkapani letinyentana tebetindaba tiyavalwa. Sicocisene neMnumzane Hopewell Hadebe loyi-Project Manager kuyo i-SANEF.

Duration:00:07:33

#Imphunga - MDDA's Pre-Grant Call Workshop and Governance Training

Sikhungo lesibukelele kusita imiklamo yemango, i- Media Development and Diversity Agency (MDDA), sibitawube sinbambe umhlanganosikolo lowatiwa nge - Pre-Grant Call Workshop and Governance Training khona lapha edolobheni iMbombela namuhla. Sicocisana na Siphokazi Mgudlwa lophuma ku-MDDA.

Duration:00:04:18

#Embiteni - iNASGB ivakalise kukhatsateka ngekwandza kwetehlakalo tekubulalana kwebantfwabesikolo nabahlangana ngaphandle kwemabala esikolo.

Tiya ngekwandza tehlakalo tekubulawa ngesihluku kwebafundzi ikakhulukati nasebaphumile esikolweni, babulawa bontsanga yabo. Sikhuluma nje kunemndeni losemantini wemfundzi waka-Grade 11 wasesikolweni semabanga laphakeme i-Lesedi lesisemphumalanga nePitoli kulandzela kutsi agwazwe ashone ngumfundzi waka-Grade 12 itolo. Kantsi kulenyanga lephelile licenjana lebafana besikolo lashaya labulala Christopher Nhlapho lobekafundza Grade 12 eNsika High School eTjakastad. Kubuka kutsi sisombululo singaba yini kunasi sihlava sikhulumisana namabhalane jikelele we-National Association of School Governing Bodies (NASGB), Umnumzane Matakanye Matakanye.

Duration:00:05:13

#Embiteni - Ndvunankhulu wesifundza sase-Mpumalanga Mandla Ndlovu uvakashele e China

Ndvunankhulu wesifundza se Mpumalanga Mandla Ndlovu usayine sivumelwano sekusebentisana namaspala we Longnan eveni le China lesitawusebenta iminyaka lesihlanu. Ngekusho kwelihhovisi laNdvunankhulu, lesivumelwano sifaka ekhatsi umkhakha wetetimboni, tekulima, takhiwonchanti, tekuvakasha nalokunye. Simeme libamba lalokhulumela hulumende waseMpumalanga Zibonele Mncwango.

Duration:00:04:24

#Embiteni - Possible measles outbreak in Mpumalanga.

Litiko letemphilo kulesifundza seMpumalanga lecwayisa ngematfuba ekubhedvuka kwesifo sencubulunjwane kulesifundza. Sikhulumisana na-Euginah Mashabane lophuma etikweni letemphilo kulesifundza seMpumalanga.

Duration:00:02:24

#Imphunga - Hulumende wakulelive ukugcekile kuhlaselwa kwebantfu phaca kulokulwa lokusemkhatsini kwe-Iran ne-Israel.

I Ningizimu Afrika ikugceke kakhulu lokuhlaselwa kwebantfu phaca kulokungcubutana lokusemkhatsini kwe-Iran ne-Israel, lesekungene elangeni lesitfupha. Sikhulumisene nemhlatiyi wetindzaba temave emhlaba, Umnumzane Thulisa Ndlela.

Duration:00:10:10

#Imphunga - Kulindzeleke ibanjwe namuhla inkonzo yesikhumbuto ya Sibusiso Ndlovu