Ligwalagwala FM Current Affairs

Hulumende waseMpumalanga usekumisa luhlelo lwekutsatsa liphalamende lesifundza alimikise ebantfwini kumasipala wase Bushbuckridge. Kuva kabanti ngaloku sikhulumisana nasihlalo wekomiti lelawula leyengamele loluhlelo lweTLP, Umnuzane Daniel Nkosi.

Duration:00:04:46

#Imphunga - iMalawi iya elukhetfweni lwemengameli kusasa.

Njengaloku kubanjwa lukhetfo lwavelonkhe eveni le Malawi kusasa, labo labagacele sikhundla sekuhola lelalive bebabambe imibutsano yekugcina betama kuheha bavoti. Mengameli Lazarus Chakwera utjele bantfu bebabutsene enhlokodolobha i Lilongwe kutsi utivile tikhalo tabo mayelana nekumba ecolo kwetintfo, kantsi nembangi yakhe lenkhulu Peter Mutharika, bekakhuluma nebalandzeli bakhe e Blantyre. Simeme umhlatiyi wetindzaba tekulelivekati le Afrika, Advcate Sipho Mantula

Duration:00:05:58

#Imphunga - EKASI ECONOMY

Bebatseleke ngetinkhani bosomabhizinisi labancane basemalokishini kulomcimbi bewuhlelwe yinhlangano i-Township Entrepreneur Agency (TEA) lapha Kanyamazane ngephandle kweMbombela kulemphelasontfo lesibuyakuyo. Lenhlangano beyimeme bosomabhizinisi labancane baKanyamazane nemphetselo kutewubahlomisa ngemakhono kanye nekuchudzelana kumncintiswano wekutsengisa ngemphumelelo umcondvo welibhizinisi lakho lapho lophumelele utihambele netinkulungwane letingema-50 temaRandi. Sinaye losomabhizinisi lomncane lotihlomulele lemali ngelibhizinisi lakhe iSmart-D, Penwell Silinda lodzabuka eTonga eNkomazi

Duration:00:03:47

#Imphunga - National Wills week

Namuhla kucala liviki lekufundzisa ngekubaluleka kwekubhala incwadzi yesifiso semufi (i-will) kuze kugwemeke tingcabano letivame kusuka nasekwendlule lomunye emhlabeni. Kukhuluma kabanti ngaleliviki simeme Busisiwe Ndzukula, lobuke temafa ka-Master of The High Court ngaphansi kwelitiko letebulungiswa nekutfutfukiswa kwemtsetfosisekelo.

Duration:00:06:55

#Embiteni - G20 Tourism MPU

Sichumana nentsatseli nyetindzaba kaSABC Tumelo Machogo kutosibikela ngemhlangano wetindvuna tetekuvakasha teG20 lobanjelwe esiciwini senyamatane i-Kruger National Park.

Duration:00:02:20

#Embiteni - iBOOKHIVE icala umkhankaso weliviki lonkhe wekuvakashela tikolo.

Umcunguli nemcondzisi we-BOOKHIVE, Nokubongwa Lukhele utsi bacala umkhankaso wabo wekuvakashela tikolo liviki lonkhe losendlalelo semcimbi lomkhulu lowatiwa ngeNgcayizivele.

Duration:00:05:13

#podcast TINDZABA 07.00

Mengameli weANC Cyril Ramaphosa ugcizelele kubaluleka kwekutfulwa kweluhlelo letinyatselo talenhlangano iParty Action Plan lataletfula lamuhla. Loluhlelo lihlose kucinisekisa kuphatfwa ncono kwemsebenti wembuso wesiveni njengoba kusondzela lukhetfo labohulumende basemakhaya lonyaka lotako. Ramaphosa uhola umhlangano lokhetsekile wetinsuku letimbili wekomidi yavelonke iNEC kukhuluma kabanti ngetinkinga letikhungetse tinhlaka temsebenti wabohulumende basemakhaya kanye nekutsi tingalungiswa njani. Lomhlangano usendlalelo semhlangano weRoll Call wemakhansela langetulu kwetinkulungwane letisitfupha kanye nabosodolobha lotawube usenkundleni yetemidlalo iFNB Stadium kusasa. Titfunywa talenhlangano emsebentini welive titawubikela ikomidi yavelonke yeANC iNEC ngemsebenti lebawentile kusukela bangena ehhovisi ngemuva kwelukhetfo labohulumende basemakhaya nga-2021. Ramaphosa uchaza kabanti ngekubaluleka kwaloluhlelo....,

Duration:00:05:09

#Telive - Book Review: Litawubuswa Ngemadloti by Andile Ngwenya

Esigabeni setfu semabhuku, namuhla sibuyeketa libhuku lelibhalwe ngu Andile Ngwenya lelitsi "Litawubuswa Ngemadloti".

Duration:00:03:20

#Telive - iNational Liquor Traders Association iyaphikisana nesiphakamiso se-EFF lesitsi kuvalwe kukhangiswa kwetjwala.

Inhlangano ye EFF ephakamisa kutsi kuvalwe kukhangiswa kwetjwala kulelive. Kepha batsengisi betjwala batsi loku kutawuba nemitselela lengasimuhle kulemboni. Simeme lokhulumela i-National Liquor Traders Association, Lucky Ntimane ...........

Duration:00:19:01

#Telive - Bayakhala balaleli ngekwendlula emhlabeni kwamlingani wabo Manyovu.

Balaleli bemsakato Ligwalagwala FM esifundzeni se-Mpumalanga bakhala letingomi ngekwendlula emhlabeni kwalomunye wabo Godfrey Mnisi lobekatiwa nga-Manyovu. Lowa-Gwadlagwadla wendlule emhlabeni kuleliviki leliphelile kantsi kulindzeleke aphekeletelwe endlini yakhe yekugcina nyalo ekuseni.. Kutfola kabanti kutsi ungubani Manyovu, elucingweni sichumana nalomunye webalaleli balomsakato, Tonight Mashego lowatiwa ngelaMapaputsi...

Duration:00:07:23

#Telive - Inkantolo yemtsetfosisekelo incume kutsi emadvodza sekangatsatsa tibongo tebafati bawo.

Inkantolo yemtsetfo sisekelo kuleli incume kutsi emadvodza sekangatsatsa tibongo tebafati bawo. Lenkantolo yemtsetfosisekelo itsi sigaba 26(1)(a) kuya ku (c) sekubhaliswa kwemuntfu nakatalwa noma nakashonile, siphambana nemtsetfo sisekelo. Kuhlola kutsi ngekwemihambo nemasiko esintfu sisho kutsini lesincumo salenkantolo, sikhulumisana naNjingalwati Bhekithemba Mngomezulu.

Duration:00:24:33

#Imphunga - Likomiti letekulima, kuhlelwa kabusha kwemhlaba nemcebo lombiwa phansi ephalamende belivakashele sifundza seMpumalanga.

9/12/2025

Likomiti letekulima, kuhlelwa kabusha kwemhlaba kanye netemcebo lombiwa phansi belivakashele lesifundza se Mpumalanga kuleliviki. Lelikomiti litsi belitewubuka tindzaba tekusebenta kwetimayini kanye neticelo tekubuyisela umhlaba kubanikati. Sikhulumisana nasihlalo walekomiti, Mpho Modise.

Duration:00:08:17

#Imphunga - Lomunye walabaphila neligciwane lesandvulelangculazi utsi bayakwemukela kwetfulwa kwemjovo i-lenacapavir.

9/12/2025

Kuvele tintfo letinyentena letihloswe kulwa neligciwane lesandvulelangculazi kulenkomfa beyibanjelwe kutokhuluma ngalesifo seHIV. Lokunye kwaloko lokuvele kulenkomfa kwekutsi lelive selikulungele kwetfula umjovo i-Lenacapavir lotawutfolwa kabili ngemnyaka nakucala lomnyaka lotako. Sicocisana nalosaphila naleligciwane leHIV iminyaka leli-16, Lebokgang Motsumi.

Duration:00:04:59

#Imphunga - iCONTRALESA iphefumula ngesincumo senkantolo yemtsetfosisekelo kutsi indvodza seyingasitsatsa sibongo semkayo.

9/12/2025

Mengameli weCONTRALESA Kgosi Mathupa Mokoena utsi abahambisani nalesincumo senkantolo yemtsetfosisekelo lesitsi emadvodza sekavumelekile kusebentisa tibongo tebafati bawo. Lenkantolo yemtsetfosisekelo itsite sigaba 26(1)(a) kuya ku (c) sekubhaliswa kwemuntfu nakatalwa noma nakashonile, siphambana nemtsetfo sisekelo welive.

Duration:00:04:58

#Embiteni - Kushaywe umtsetfo lomusha lotawulawula umkhakha we e-hailing.

Ucala kusasa kusebenta lomtsetfo lotawulawula kusebenta kwematekisi lamancane labhadalwa ngelibanga (e-hailing). Ngaphansi kwalomtsetfo lomusha bashayeli balamatekisi lakhokhwa ngelibanga, nyalo sekulindzeleke babe nelayisensi yekusebenta. Kunaba ngaloludzaba sichumana nalokhulumela litiko letekutfutsa kulelive, Umnuzane Collins Msibi.

Duration:00:03:50

#Embiteni - Inkantolo yemtsetfosisekelo incume kutsi emadvodza sekangatsatsa tibonge tebafati bawo.

Inkantolo yemtsetfo sisekelo kuleli incume kutsi emadvodza sekangatsatsa tibongo tebafati bawo. Lenkantolo yemtsetfosisekelo iphindze yatsi sigaba 26(1)(a) kuya ku (c) sekubhaliswa kwemuntfu nakatalwa noma nakashonile, siphambana nemtsetfo sisekelo njengoba sicwasa ngekwebulili njengoba sayala kuvumela bobabe batsatse tibongo tabomake ngemuva kwemshado. Kukhuluma ngalesincumo senkantolo simeme sati setemtsetfo, Umnumzane Mpumelelo Zikalala lobuya ku-Zikalala Attorneys,

Duration:00:04:51

#Imphunga - POLICE DOMESTIC

Kunekukhatsateka mayelana netinsolo letitsi emaphoyisa avame kusebentisa tibhamu temtsetfo kulwa timphi tasemakhaya awo. Loku kulandzela sehlakalo sasePitoli lapho liphoyisa lidubule labulala umshana walo nalo lagcina litidubulile. Kantsi kuleliviki leliphelile liphoyisa lelindvodza lidubule singani salo lesiliphoyisa lalimala lapha Kwa-Mhlanga kulesifundza se-Mpumalanga. Kukhuluma ngalendzaba, simeme umhlatiyi wetebugebengu, Dr Mxolisi Mathebula.

Duration:00:04:54

#Imphunga - Imbambene ngetihlutfu emkhatsini kwemaXhosa nebeSotho eMatatiele eMphumalanga Kapa.

Lokulwa lokweyamene nebuhlanga emkhatsini walabakhuluma siXhosa kanye neSesotho esigodzini saKwaSibi sekundlulele nase Phuthadichaba Technical High School e- Matatiele esifundzeni sase Mpumalanga Kapa. Simeme intsatseli yeSABC Nkululeko Nyembezi kutosibikela ngalencushuncushu.

Duration:00:05:06

#Imphunga - iELRC iphenya ngekugcwala kwabothishela nebafundzi labangekho etikolweni takuleli.

Umkhandlu lobuke tindzaba tetisebenti kutemfundvo, i-Education Labour Relations Council, utsi usukumise luphenyo lekwetama kutfola kutsi bangakhi bothishela lebakhona etikolweni takulelive. Loku kulandzela imibiko lemayelana nekugcwala kwabothishela mbumbulu kanyen nekutsengiswa kwemisebenti etikolweni. Sikhulumisana nemphatsi lophuma kulomkhandlu kulesifundza se-Mpumalanga Moswazi Mabasa.

Duration:00:06:40

#Imphunga - HIV/AIDS injection